მომღერალი და პროდიუსერი, კახაბერ ცისკარიძე ბათუმის მერის არჩევნებში მონაწილეობას ვერ მიიღებს. მაშინ, როცა მან მერობა გადაწყვიტა, აჭარის უმაღლეს საარჩევნო კომისიაში რეგისტრაციის ვადა სამი დღის გასული იყო.

ბათუმის 79-ე ოლქის თავმჯდომარე, ციალა შავაძე საზოგადოებრივი მაუწყებლის აჭარის ტელევიზიასთან საუბრისას ამბობს, რომ ცისკარიძეს, როგორც დამოუკიდებელ კანდიდატს 25 აგვისტომდე უნდა მიემართა, თუმცა ასე არ მოქცეულა.

ცისკარიძემ ბათუმის მერობის სურვილის შესახებ დღეს, 28 აგვისტოს განცხადა.

"მე ვარ ბათუმელი, მე ვარ აჭარელი და ბათუმიდან გამომდინარე ვარ პოპულარული გამხდარი მთელ ქვეყანაში და ვფიქრობ, რომ მაქვს ვალი, რომელიც შემიძლია ამ სახით დავაბრუნო", - ასე განმარტავდა ცისკარიძე On.ge-სთან საუბრისას ბათუმის მერად გახდომის სურვილს.