საქართველოს პარლამენტი დაზიანებული 152 ფანჯრის მინა-პაკეტის შესყიდვაზე 47 ათას ლარს ხარჯავს, ხოლო სხდომათა დარბაზის სერვერისა და კვების ბლოკის შესყიდვაზე 27,293 ლარს. ამის შესახებ bm.ge წერს.

"საქართველოს პარლამენტის სასახლეში (ქ. თბილისი, შოთა რუსთაველის გამზირი №8) პარლამენტის ცენტრალური სასერვეროს დუბლირებული (BACKUP) სერვერისა და სხდომათა დარბაზის კენჭისყრის სისტემის გამართულ, უწყვეტ მუშაობას და შესაბამისად, სხდომების შეუფერხებლად ჩატარებას, უზრუნველყოფს ორი ცალი უწყვეტი კვების წყარო," — ნათქვამია პარლამენტის მიერ გამოქვეყნებულ განცხადებაში.

პარლამენტის ინფორმაციით, ისინი შესაბამის შესყიდვებს თანხმობის მიღებიდან 2 დღეში განახორციელებენ.