ანდრო ჭიჭინაძე ბრალს არ აღიარებს, ამბობს, რომ საქმე პოლიტიკურად მოტივირებულია, ამის შესახებ ჟურნალისტებს მისმა ადვოკატმა თორნიკე მიგინეიშვილმა განუცხადა.

"რაც წარმოდგენილია, ამის მტკიცებულებები ჯერ არაფერია შიგნით, გარდა იმისა, რაც მედიაში გავრცელდა, რაღაც ჯოხის მოქნევის კადრი, არც ჩანს ვის მოხვდა, სად მოხვდა, სად დავარდა, საქმეში არც დაზარალებულია, ფაქტობრივად, არანაირი მტკიცებულება არ არის. საინტერესოა, რა მტკიცებულებას წარმოადგენენ იმისთვის, რომ ასეთი მძიმე დანაშაული დაადასტურონ. ანდრო, რა თქმა უნდა, ბრალს არ აღიარებს, წარმოდგენილ ბრალს სრულად ემიჯნება, ამბობს, რომ ეს მხოლოდ პოლიტიკურად მოტივირებულია, ის მხნედაა,

სხვა აქტივისტებისგან განსხვავებით, ანდროს ნაწილში არც ძალადობას ჰქონია ადგილი და სახლის, პირადი ჩხრეკაც მშვიდ ვითარებაში ჩატარდა, რადგან ანდროს ხელი არ შეუშლია, მას უკანონობა არ ჩაუდენია და მის სახლშიც არანაირი კანონსაწინააღმდეგო მტკიცებულებები არ ინახებოდა", — განაცხადა მიგინეიშვილმა.

მსახიობი ანდრო ჭიჭინაძე 5 დეკემბერს დააკავეს. მას ბრალი ჯგუფურ ძალადობაში მონაწილეობის მუხლით წაუყენეს. დანაშაული სასჯელის სახედ და ზომად 4-დან 6 წლამდე თავისუფლების აღკვეთას ითვალისწინებს.