საერთაშორისო გამჭვირვალობა-საქართველო (TI) მოუწოდებთ ბიძინა ივანიშვილს შეწყვიტოს საქართველოს მოქალაქეების დევნა და სახელმწიფო ინსტიტუტების რეპრესიული მიზნებით გამოყენება. TI-ს მიერ გავრცელებულ განცხადებაში ვკითხულობთ, რომ დაკავებულების მიმართ არაადამიანურ მოპყრობასა და მათ წამებას აქვს ძალადობრივი რეპრესიების ხასიათი.

"ვგმობთ მშვიდობიანი აქციის ძალადობრივ დაშლას.

ბიძინა ივანიშვილის პოლიციის წარმომადგენლები, როგორც ძალადობრივი ჯგუფები, ფიზიკურად უსწორდებოდნენ არა მხოლოდ უშუალოდ აქციის ტერიტორიაზე მყოფ მოქალაქეებს, არამედ მიმდებარე ქუჩებზე მყოფ ადამიანებსაც. ისინი იტაცებდნენ ადამიანებს და ადგილზე ფიზიკურად უსწორდებოდნენ მათ.

მოვუწოდებთ ბიძინა ივანიშვილს შეწყვიტოს საქართველოს მოქალაქეების დევნა და სახელმწიფო ინსტიტუტების რეპრესიული მიზნებით გამოყენება.

აღნიშნულ ქმედებებს, დაკავებულების მიმართ არაადამიანური მოპყრობასა და მათ წამებას აქვს ძალადობრივი რეპრესიების ხასიათი. ყოველივე თავისი მასშტაბით წარმოადგენს ადამიანის უფლებების უხეშ დარღვევას. მსგავს ქმედებებს საკუთარი მოქალაქეების წინააღმდეგ გმობს მსოფლიოს დემოკრატიული საზოგადოება", — ნათქვამია გავრცელებულ განცხადებაში.