საქართველოს სახალხო დამცველი საქართველოს შინაგან საქმეთა სამინისტროს გათავისუფლებული თანამშრომლის შესახებ რეკომენდაციით მიმართავს. სახალხო დამცველი შსს-ს საჯარო სამსახურის შესახებ კანონს ახსენებს და განუმარტავს, რომ სამ წლამდე შვილიანი დედის გათავისუფლება იკრძალება.

"სახალხო დამცველისთვის ცნობილი გახდა, რომ შ.მ.–ს დაკავებული თანამდებობიდან გათავისუფლებას და კადრების განკარგულებაში აყვანას საფუძვლად დაედო შტატების შემცირება. წარმოდგენილი დოკუმენტაციის მიხედვით, აღნიშნულ პერიოდში განმცხადებელს 3 წლამდე ასაკის შვილი ყავდა", - აღნიშნულია სახალხო დამცველის განცხადებაში.

On.ge შინაგან საქმეთა სამინისტროდან პასუხს ელოდება, გაითვალისწინებს თუ არა უწყება სახალხო დამცველის რეკომენდაციას.