ექიმი ზაზა თელია 29 ნოემბერს, რუსთაველის გამზირზე საპროტესტო აქციების მიმდინარეობისას, სამართალდამცავების მიერ ეპიზოდური დაკავებებისა და ძალადობის დროს დაშავებული ფორმულას ჟურნალისტის, გურამ როგავა მდგომარეობას ეხმაურება და წერს, რომ მას "ბედი ჰქონია, რომ სიკვდილს გადაურჩა".

იგი ასევე ამბობს, რომ როგავას შემთხვევაში, ეს "ეს იგივეა ვინმემ იარაღი გესროლოს თავში და გაგიმართლოს და გადარჩე".

"ამ ადამიანს ბედი ჰქონია, რომ გადაურჩა სიკვდილს, ეს იგივეა ვინმემ იარაღი გესროლოს თავში და გაგიმართლოს და გადარჩე... არა, უარესია, რაც ვიდეოში ჩანს, რადგან ვიდეოში კარგად ჩანს, რომ ტრავმა ამ ადამიანს არააფექტურ მდგომარეობაში მიაყენეს", — წერს თელია.

მან ხაზგასმით აღნიშნა, რომ ადამიანმა, რომელმაც ფორმულას ჟურნალისტს ზურგიდან თავში ჩაარტყა, უნდა იყოს იდენტიფიცირებული და უმკაცრესად დასჯილი.

"ანუ ის პირუტყვი ნაძირალა, რომელიც ზურგიდან თავში ურტყამს ამ კაცს კრიტიკულად მნიშვნელოვანია, რომ იქნას იდენტიფიცირებული და უმკაცრესად დასჯილი. ან ოჯახი არ ჰყავს, ან შვილები არ ჰყავს ამ პირუტყვს.
რაღა დარჩა ზღვარი — "ცხოველების ფერმაში" ვართ" — წერს ექიმი ზაზა თელია.