კოალიცია ცვლილებებისთვის წევრმა, ნიკა მელიამ დღეს განაცხადა, რომ "ივანიშვილის რეჟიმი საერთაშორისო იზოლაციაშია მოქცეული, არც პირველი და არც უკანასკნელია მსგავსი რეზოლუცია".

მისივე თქმით, ივანიშვილის მიერ ჩატარებულ არჩევნებს და მის ხელისუფლებას საერთაშორისო საზოგადოება არ ცნობს.

კონტექსტში ვიზალიბერალიზაციის შეჩერებაზე დასმული კითხვის საპასუხოდ მელიამ განაცხადა, რომ — ყველაფერია გამართლებული.

"ყველაფერი, რაც მოემსახურება ივანიშვილის რეჟიმის, საბჭოთა რეჟიმის ჩამოშლას, არის გამართლებული. გამართლებულია ყველა ის ნაბიჯი, რომელიც გადაიდგმება რეჟიმის ჩამოშლისკენ. რა გადაწყვეტილებას მიიღებენ დასავლელი პარტნიორები, ეს დასავლელ პარტნიორებს უნდა ჰკითხოთ", — განაცხადა მელიამ.

შეგახსენებთ, ევროპარლამენტში რეზოლუციის პროექტი 25 ნოემბერს დარეგისტრირდა, მასში სხვა საკითხებთან ერთად საქართველოსთვის ვიზალიბერალიზაციის შესაძლო შეჩერებაზეც არის საუბარი.