ოკუპირებულ აფხაზეთში ე.წ. პარლამენტთან საპროტესტო აქციის მონაწილეების წინააღმდეგ ცრემლსადენი გაზი გამოიყენეს, — ამის შესახებ ინფორმაცია ტელეგრამ-არხებზე ვრცელდება.

ოკუპირებულ აფხაზეთის ე.წ. პარლამენტში სხდომა მიმდინარეობს, სადაც "მრავალფუნქციური კომპლექსების სამართლებრივი სტატუსის მოწესრიგების" შესახებ კანონპროექტის რატიფიკაცია იგეგმება. სწორედ აღნიშნულ კანონპროექტს აპროტესტებენ აქციის მონაწილეები. ე.წ. სხდომას 21 "დეპუტატი" ესწრება.

დემონსტრანტებმა ღობე შეანგრიეს და ე.წ. პარლამენტის ტერიტორიაზე შეიჭრნენ. სწორედ ამის შემდეგ გამოიყენებს ძალოვანებმა ცრემლსადენი გაზი აქციის მონაწილეების წინააღმდეგ.

დემონსტრანტებმა ღობე შეანგრიე

დემონსტრანტებმა ღობე შეანგრიე

ფოტო: ტელეგრამ-არხი "რესპუბლიკა"

დემონსტრანტებმა ღობე შეანგრიე და პარლამენტის ტერიტორიაზე შეიჭნენ.

დემონსტრანტებმა ღობე შეანგრიე და პარლამენტის ტერიტორიაზე შეიჭნენ.

ცნობისათვის, "მრავალფუნქციური კომპლექსების სამართლებრივი სტატუსის მოწესრიგების" შესახებ კანონპროექტის რატიფიკაცია ითვალისწინებს, რომ ინვესტორი რვა წლით თავისუფლდება საბაჟო გადასახადისგან, ასევე კორპორაციული ქონების გადასახადისა და საშემოსავლო გადასახადისგან. დამატებითი ღირებულების გადასახადი კი ინვესტორისთვის მხოლოდ 5% იქნება. ოკუპირებულ აფხაზეთში აზრი ორად არის გაყოფილი. ნაწილი მიიჩნევს, რომ პროექტის საზიანო იქნება ოკუპირებული აფხაზეთის ეკონომიკისთვის და საფრთხეს შეუქმნის მის უსაფრთხოებას.

მანამდე, 11 ნოემბრის ღამეს ოკუპირებულ აფხაზეთში 5 ოპოზიციონერი დეპუტატი დააკავეს. როგორც დაკავებული ოპოზიციონერების მხარდამჭერები აცხადებდენ, დაკავებების მიზეზი ის გახდა, რომ ოპოზიციონერები რუსულ-აფხაზური "საინვესტიციო ხელშეკრულების" რატიფიცირებას ეწინააღმდეგებიან, რომლის რატიფიცირებასაც ოკუპირებული აფხაზეთის დე ფაქტო პარლამენტი 15 ნოემბერს გეგმავს.

დაკავებულები პროტესტის ფონზე 12 ნოემბერს გაათავისუფლეს.