Bolt Food-თან ერთად იმაზე დარდი არ მოგიწევს, რომ შენს შეკვეთას ზედმეტად ადრე ან ძალიან გვიან მიიღებ. იმისათვის, რომ საგულდაგულოდ დაწყობილი გეგმები არ აგერიოს, დროულობა გადამწყვეტია, განსაკუთრებით კი მაშინ, როცა საქმე საჭმლის მიღებას ეხება.

თუ საჭმელს ხშირად იძახებ, დაგვეთანხმები, რომ შეკვეთის დროულად მიღებაზე ხშირად მთელი დღის გეგმებია დამოკიდებული. სწორედ ამიტომ მნიშვნელოვანია, რომ საჭმელი არც ადრე და არც გვიან, არამედ — დროულად მიიღო.

იმაში დასარწმუნებლად, თუ რამდენად მნიშვნელოვანია საჭმლის დროულად მიღება, ჩვენი ყოველდღიურობიდან 5 მაგალითს გაგიზიარებთ:

1. როცა საჭმელს ოფისის ლანჩისთვის იძახებ

სამსახურებში ხშირად ლანჩისთვის გარკვეული დროა გამოყოფილი, ან ასე თუ არაა, ალბათ მაინც გინდა, რომ ლანჩი თანამშრომლებთან ერთად მიირთვა და საუბრითა და ხუმრობებით შეიქციო თავი. სწორედ ამიტომ განსაკუთრებულად მნიშვნელოვანია, რომ გამოძახებული საჭმელი დროულად მიიღო — არც ლანჩამდე ძალიან ადრე და არც ძალიან გვიან.

2. როცა სახლიდან მუშაობ და საჭმლის მომზადებას ვერ ასწრებ

სახლიდან მუშაობის დროს შეიძლება იმაზე დატვირთული იყო, ვიდრე ოფისში ყოფნისას და საჭმლის მომზადებას საერთოდ ვერ ასწრებდე. ასეთ შემთხვევაში ალბათ ჭამისთვისაც წინასწარ გაქვს დრო გამოყოფილი. კურიერმა თუ შეკვეთა დროულად ვერ მოგიტანა, შენი გეგმები აირევა და ხასიათიც გაგიფუჭდება.

3. როცა ფილმის ყურებისას ჭამა გინდა

კარგ ფილმს კარგ საჭმელსა თუ სასუსნავზე მეტად არაფერი უხდება. თუმცა ამ დროს განსაკუთრებულად მნიშვნელოვანია, რომ შეკვეთა დროულად მიიღო. თუ საჭმელს იქამდე მოგიტანენ, სანამ ფილმს აარჩევ, ყველაფერი ფილმის

ნახვამდე შემოგეჭმევა, ხოლო თუ ფილმის ნახვის შემდეგ მიიღებ შეკვეთას — ფილმთან ერთად ჭამის რიტუალი გაუფერულდება.

4. როცა მეგობრებთან ერთად წვეულებას აწყობ

მეგობრებთან ერთად წვეულების მოწყობისას საჭმლის დროულად მიღება განსაკუთრებით მნიშვნელოვანია, რადგან ამ დროს საკუთართან ერთად სხვების მადასა და განწყობაზეც ხარ პასუხისმგებელი. წარმოიდგინე, იუბილარისთვის ტორტი შეუკვეთე და ის ღამის 12 საათის შემდეგ მოვიდა!

5. როცა სამსახურიდან წამოსული სახლისთვის საჭმელს უკვეთავ

წარმოიდგინე, სამსახურიდან სახლისკენ დაღლილი მიდიხარ და მხოლოდ იმაზე ფიქრი გამხნევებს, რომ საჭმელი უკვე შეუკვეთე და სახლში მისულს დიდხანს ლოდინი არ მოგიწევს. ამ დროს შეკვეთის დროულად მიღება ძალიან მნიშვნელოვანია, რადგან თუ კურიერმა დააგვიანა, კიდევ უფრო მოიწყენ, ხოლო თუ საჭმელმა სახლში მიგასწრო, სირბილი მოგიწევს!

Bolt Food-ის გუნდი მუდამ მუშაობს იმაზე, რომ შენს მოთხოვნებზე მორგებული ხარისხიანი მომსახურება შემოგთავაზოს და ნებისმიერი შეკვეთა დროულად მიიღო. გადმოწერე აპლიკაცია