ოთხშაბათს გამართულ დებატებში, ევროპარლამენტარები საქართველოს სადავო საპარლამენტო არჩევნების შედეგებს, მათ შორის რუსეთის სავარაუდო ჩარევას განიხილავენ, — ამის შესახებ განცხადებას ევროპარლამენტი ავრცელებს.

პოლიტიკური ჯგუფები შეთანხმდნენ პლენარული დღის წესრიგის შეცვლაზე ამ თემის დასამატებლად.

ევროპარლამენტის ვებგვერდზე აღნიშნულ განცხადებაში ნათქვამია, რომ ათასობით ადამიანი გამოვიდა საქართველოში ქუჩებში 2024 წლის ოქტომბერში ჩატარებული სადავო საპარლამენტო არჩევნების შედეგის გასაპროტესტებლად, რომლის დროსაც მმართველმა პარტიამ ქართულმა ოცნებამ მოიპოვა გამარჯვება იმის ფონზე, რომ რუსეთი დაეხმარა ხმების გაყალბებაში. აქციის მონაწილეები სხვა საკითხებთან ერთად ითხოვენ ახალი არჩევნების ჩატარებას საერთაშორისო ზედამხედველობის ქვეშ და სათანადო გამოძიებას ხმის მიცემის სავარაუდო გაყალბების შესახებ.

კენჭისყრის შედეგების გამოცხადების შემდეგ, ევროკავშირის 15 მთავრობის წარმომადგენელმა გამოხატა ღრმა შეშფოთება საქართველოში შექმნილი ვითარებით და დაგმეს თავისუფალი და სამართლიანი არჩევნების საერთაშორისო სტანდარტების დარღვევა. ევროპარლამენტარებმა ასევე მიუთითეს საერთაშორისო დამკვირვებლების მიერ გამოვლენილ დარღვევებზე და მოითხოვეს აღნიშნული დარღვევების სათანადო გამოძიება, — ვკითხულობთ განცხადებაში.

ევროპარლამენტარები რეზოლუციას კენჭს 25-28 ნოემბერს პლენარულ სესიაზე უყრიან.