"ვითხოვთ ახალ არჩევნებს" — ამ მოთხოვნით ცესკოს შენობასთან შეკრებილმა ქალებმა, ძლიერი საქართველოს ინიციატივით, ცესკოს სახელზე ინდივიდუალური განცხადებები დაწერეს და არჩევნების შედეგების ბათილობა მოითხოვეს.

აღნიშნული განცხადებები პოლიტიკური პარტიების ლიდერმა ქალებმა და აქციის მონაწილეებმა ცესკოს კანცელარიას ჩააბარეს.

"მოვითხოვთ ახალი არჩევნების დანიშვნას. განცხადების შეტანაც კი აფრთხობთ ცესკოში, როდესაც ხედავენ ერთი იდეით და ერთი მიზნით გაერთიანებულ მოქალაქეთა მცირე ჯგუფს. ამიტომ არის ერთიანობა და არშეგუება", — განაცხადა ანა ნაცვლიშვილმა.

კამპანია "ვითხოვ ახალ არჩევნებს" ძლიერმა საქართველომ რამდენიმე დღის წინ დაიწყო. ინფორმაცია აღნიშნული კამპანიის შესახებ განთავსებულია სპეციალურად შექმნილ ჯგუფში — დაიცავი შენი ხმა — ვითხოვ ახალ არჩევნებს, სადაც მოცემულია განცხადებების შაბლონები და ტექნიკური დახმარების კონტაქტი.