თურქეთის პრეზიდენტმა, რეჯეპ ტაიპ ერდოღანმა გერმანიის კანცლერის, ანგელა მერკელის ქრისტიან დემოკრატიულ პარტიას თურქეთის მტრები უწოდა და გერმანიაში მცხოვრებ თურქებს მოუწოდა ძირითადი პარტიების წინააღმდეგ მისცენ ხმა:

"მოვუწოდებ ჩემს ყველა თანამემამულეს გერმანიაში: ქრისტიან დემოკრატები, SDP, მწვანეთა პარტია, ყველანი თურქეთის მტრები არიან. მხარი დაუჭირეთ იმ პარტიებს, რომლებიც არ არიან თურქეთის მტრები."

Reuters-ის ცნობით, ერდოღანის ჯერ-ჯერობთ ყველაზე უხეშ კომენტარს მერკელის მიმართ გერმანიის კანცლერის, მისი მთავრობისა და რამდენიმე თურქული არასამთავრობო ორგანიზაციის მხრიდან ძალიან მწვავე პასუხები მოჰყვა.

მერკელის თქმით, ის საარჩევნო კამპანიაში ასეთ ჩარევის მოთმენას არ აპირებს. გერმანიის საგარეო საქმეთა მინისტრმა კი ერდოღანის სიტყვები გერმანიის სუვერენიტეტში უპრეცედენტო ჩარევად შეაფასა.

ანკარასა და ბერლინს შორის ურთიერთობა გასული წელს, თურქეთში გადატრიალების მცდელობის შემდეგ დაიძაბა, როდესაც თურქეთში 150 ათასი ადამიანი სამსახურებიდან გაათავისუფლეს, 50 ათასი კი დააპატიმრეს, მათ შორის გერმანელები.

გერმანიის არჩევნები 24 სექტემბერსაა ჩანიშნული. ანგელა მერკელი უკვე მეოთხედ იყრის კენჭს. მისი პარტია კი საზოგადოებრივი აზრის კვლევებში მოწინავე ადგილს იკავებს.