ჩინეთის საგარეო საქმეთა სამინისტროს სპიკერი ლინ ძიანი დონალდ ტრამპს აშშ-ის არჩევნებში გამარჯვებას X-ზე ულოცავს.

"ჩვენ პატივს ვცემთ ამერიკელი ხალხის არჩევანს და ვულოცავთ ბატონ ტრამპს შეერთებული შტატების პრეზიდენტად არჩევას", — წერს ჩინეთის საგარეო უწყების სპიკერი.

5 ნოემბერს აშშ-ში ჩატარებულ არჩევნებში აშშ-ს ყოფილმა პრეზიდენტმა, რესპუბლიკელმა დონალდ ტრამპმა გაიმარჯვა და ის აშშ-ის 47-ე პრეზიდენტი გახდა. საარჩევნო მარათონში ტრამპმა დემოკრატების კანდიდატი, ვიცე-პრეზიდენტი კამალა ჰარისი დაამარცხა. CNN-ის მონაცემებით, ამერიკის ყოფილმა პრეზიდენტმა საარჩევნო კოლეგიის 295 ხმა მიიღო, მისმა კონკურენტმა, კამალა ჰარისმა — 226 საარჩევნო ხმა.