მადლობა, რომ ეს დღეები გვაკრიტიკებდით და წკეპლები შემოგვცხეთ, კოჭები გვეწვოდა ოპოზიციას, — ამის შესახებ კოალიცია ძლიერი საქართველოს ერთ-ერთი ლიდერის, ალეკო ელისაშვილმა 4 ნოემბერს გამართულ საპროტესტო აქციაზე განაცხადა. მისი თქმით, მთავრობამ ყველა გააერთიანა და "ოპოზიციას კოალიციურ მმართველობაში ამეცადინებენ".

"მინდა ჩვენს მოქალაქეებს გითხრათ მადლობა იმისთვის, რომ გვაკრიტიკებდით ოპოზიციას ეს დღეები და წკეპლები შემოგვცხეთ, კოჭები გვეწვოდა ოპოზიციას. ჩვენ, პოლიტიკოსები ანგარიშვალდებულები ვართ ჩვენს ხალხთან. ერთი რაც ამ რუსებმა კარგი გააკეთეს, ჩვენ ყველა გაგვაერთიანეს და კოალიციურ მმართველობაში გვამეცადინებენ. როგორც კი ახალ არჩევნებს დავანიშნინებთ და სამართლიანი არჩევნების გზით კოალიცია მოვალთ ხელისუფლებაში, ვერცერთი პარტია რომ ვერ გაქაჩავს თავისკენ საბანს, ისეთი კოალიციური მმართველობა გვექნება. ჩვენ ვმეცადინეობთ ბრძოლაში, ერთად დგომაში და ერთობლივ ეროვნულ წინააღმდეგობაში, რომელიც იქნება ყოველდღიური", — განაცხადა ელისაშვილმა.