ქვიზი შექმნილია პროექტის "შევამციროთ პლასტმასით დაბინძურება" ფარგლებში, რომელსაც ახორციელებს CENN, გაეროს განვითარების პროგრამისა (UNDP) და ნორვეგიის მხარდაჭერით.

დღევანდელ მსოფლიოში პლასტმასას ძალიან დიდი ოდენობით ვაწარმოებთ და მოვიხმართ. ის შემდეგ გარემოში ხვდება და მას აბინძურებს. ასეთ ნარჩენებს ბუნებასა და ადამიანზე უარყოფითი გავლენა აქვს, მაგრამ რამდენად კარგად აცნობიერებს თითოეული ჩვენგანი საფრთხეებს?

ამის გაგებაში წინამდებარე ტესტი დაგვეხმარება, რომელიც ცოდნის შემოწმების საშუალებას იძლევა.

ტესტი: იცი, რა ზიანი მოაქვს პლასტმასის წარმოებასა და მოხმარებას?

ტესტის დაწყება

1 / 10 რა როლი აქვს პლასტმასის წარმოებას კლიმატის ცვლილებაში?

• ჰაერიდან ნახშირორჟანგს შთანთქავს
• წიაღისეული საწვავის მოხმარებას ამცირებს
• მისი წარმოებისას სათბურის აირები გამოიყოფა
• ატმოსფეროში დამცავი შრის ფორმირებას უწყობს ხელს

2 / 10 როგორ ფიქრობ, რა დრო სჭირდება პლასტმასის ბოთლის დაშლას?

• 70 წელი
• 5 თვე
• 450 წელი
• 1 კვირა

3 / 10 დაახლოებით რა ოდენობის პლასტმასა ხვდება ოკეანეებში ყოველწლიურად?

• 550 ტონა
• 980 კილოგრამი
• 700 კილოგრამი
• 11 მილიონი ტონა

4 / 10 რა გავლენა აქვს პლასტმასის ნარჩენებს წყლის ბინადრებზე?

• გავლენა არ აქვს
• ნარჩენების დაშლისას გამოყოფილი ნივთიერებებით სარგებელს იღებენ
• ნარჩენებს თავშესაფრად იყენებენ
• საკვებში ერევათ და ჭამენ, რაც მათ ჯანმრთელობას ვნებს

5 / 10 რა გზით შეიძლება მოხვდეს პლასტმასის მიკრონაწილაკები ადამიანის ორგანიზმში?

• ჰაერიდან
• ყველა პასუხი სწორია
• წყლიდან
• საკვებიდან

6 / 10 რა ხდება, როცა ჩვენს ორგანიზმში მიკროპლასტმასა ხვდება?

• წონაში ვიკლებთ
• ჰორმონული დისბალანსისა და სიმსივნის რისკი იმატებს
• იმუნიტეტი ძლიერდება
• საჭმლის მონელება უმჯობესდება

7 / 10 რა გავლენა აქვს პლასტმასის ნარჩენებს ნიადაგზე?

• მცენარეების უფრო სწრაფ ზრდას უწყობს ხელს
• სასუქის როლს ასრულებს
• ნიადაგის ნაყოფიერებას აუმჯობესებს
• ნიადაგს აბინძურებს და მცენარეების ზრდას უშლის ხელს

8 / 10 დაასრულეთ წინადადება: პლასტმასის ერთჯერადი ჭურჭლის წარმოება...

• დიდი ოდენობით წიაღისეულ საწვავს საჭიროებს
• პლასტმასის ნარჩენებს ამცირებს
• ენერგიის განახლებად წყაროებს საჭიროებს
• ენერგოეფექტიანია

9 / 10 პლასტმასის ნარჩენების რა ნაწილი გადამუშავდება ყოველწლიურად?

• 90%
• თითქმის 50%
• 2%
• 10%-ზე ნაკლები

10 / 10 დაბოლოს, როგორ აისახება პლასტმასით დაბინძურება მარჯნის რიფებზე?

• მათ აზიანებს და დაავადებების გავრცელებას უწყობს ხელს
• არ აისახება, რადგან მარჯნის რიფები ნარჩენებს შთანთქავს და ოკეანეს ასუფთავებს
• მარჯნებამდე საკვები ნივთიერებები მიაქვს
• მათ ზრდას უწყობს ხელს

ერთი წუთით...

საქართველოში ნარჩენების მართვის, ცირკულარული ეკონომიკის პრინციპების დანერგვისა და რესურსების მდგრადი მოხმარების კულტურის წახალისების მიზნით, ევროკავშირის ფინანსური მხარდაჭერით მიმდინარე ფართომასშტაბიანი პროექტის — "ცირკულარული ქალაქები და რეგიონები საქართველოში" — ფარგლებში, CENN ICLEI Europe-თან თანამშრომლობით აგრძელებს მუშაობას აღნიშნული მიმართულებით. პროექტის მიზანია საქართველოში კლიმატ-მედეგობის გაძლიერება და სამართლიანი გარდაქმნის პროცესის მხარდაჭერა ნარჩენების შემცირებისა და ცირკულარული ეკონომიკის დაგეგმვისა და განხორციელების ხელშეწყობის გზით. გაიგეთ მეტი პროექტის შესახებ აქ.