აშშ ისრაელში მაღალი სიმაღლის ანტისარაკეტო სისტემა THAAD-სა და სამხედრო ჯგუფს გაგზავნის, რათა ისრაელის საჰაერო თავდაცვის გაუმჯობესებას ხელი შეუწყოს.

პენტაგონის განცხადებით, გადაწყვეტილება პრეზიდენტმა ჯო ბაიდენმა მიიღო მას შემდეგ, რაც ოქტომბრის დასაწყისში ირანმა ისრაელი დაბომბა.

1 ოქტომბერს ირანმა ისრაელის მიმართულებით 200-მდე ბალისტიკური რაკეტა გაისროლა. ისრაელის არმიამ განაცხადა, რომ მათი უმრავლესობა გაანეიტრალეს, თუმცა არაერთმა ცენტრალურ და სამხრეთ ისრაელში ხმელეთამდე მაინც მიაღწია.

ისრაელს თავდასხმისთვის პასუხი ჯერ არ გაუცია, თუმცა თავდაცვის მინისტრი იოავ გალანტის თქმით, ის "მომაკვდინებელი, ზუსტი და მოულოდნელი" იქნება. ამ განცხადების საპასუხოდ, ირანის ლიდერმა განაცხადა, რომ ისრაელი არც ერთი თავდასხმა უპასუხოდ არ დარჩება.

აქამდე THAAD სისტემა აშშ-მ ისრაელში 2-ჯერ, 2019 და 2023 წლებში გააგზავნა — პირველ შემთხვევაში, ეს დაკავშირებული იყო სამხედრო წვრთნებთან, ხოლო გასულ წელს ბატარეის გაგზავნის მიზეზი ჰამასის 7 ოქტომბრის თავდასხმა გახდა.