"ჩვენ არ ვიცნობთ საერთაშორისო დიპლომატიური მექანიზმების მსოფლიო წესრიგს, რადგან ჩვენ არ ვიყავით სახელმწიფო, ვიყავით თამაშების საგანი", – ამის შესახებ სომხეთის პრემიერ-მინისტრმა, ნიკოლ ფაშინიანმა განაცხადა.

მისი თქმით, სომხეთი ატარებს დაბალანსებულ საგარეო პოლიტიკას და მეზობლებთან ნორმალური ურთიერთობა სურს.

"როდესაც 3+3 ფორმატში ჩვენი მონაწილეობის საკითხი გადაწყდა და გადავწყვიტეთ, რომ უნდა მივიღოთ მონაწილეობა, ეს გადაწყვეტილება სერიოზულ კრიტიკას ექვემდებარებოდა, მაგრამ ახლა შემიძლია ვთქვა, რომ ძალიან სწორი გადაწყვეტილება იყო. ეს ხაზს უსვამს ჩვენი საგარეო პოლიტიკის რეგიონულ განზომილებას. ჩვენი ურთიერთობა ირანთან ნორმალურია და არა პოლიტიკური გადაწყვეტილების შედეგი. იგივე შეიძლება ითქვას საქართველოსთან ურთიერთობაზეც. ჩვენი პოლიტიკა მიმართულია თურქეთთან და აზერბაიჯანთან ურთიერთობების მოწესრიგებაზე. ჩვენი დამოუკიდებლობის პერიოდში მთელი საგარეო პოლიტიკური ტვირთი ჯარისკაცების მხრებზე განვათავსეთ. ასე არ ხდება. ჩვენ უნდა უზრუნველყოთ ჩვენი უსაფრთხოება, მაგრამ არა მხოლოდ ჯარისკაცებით და ჯარით, არამედ ჩვენი პოლიტიკით, ეკონომიკით, სოციალური ფსიქოლოგიით, ჩვენი მიდგომებით, დავემორჩილოთ თუ არა პროვოკაციებს", — განაცხადა ნიკოლ ფაშინიანმა.