ჩინეთის სახალხო რესპუბლიკის თავდაცვის სამინისტროს ცნობით, ოთხშაბათს წყნარ ოკეანეში კონტინენტთაშორისი ბალისტიკური რაკეტა წარმატებით გამოიცადა. ანალიტიკოსების აზრით, ეს რეგიონში გამწვავებული ვითარების გამოძახილი და აშშ-ისა და მისი მოკავშირეების მიმართ გამაფრთხილებელი სიგნალია.

სამინისტროს განცხადებით, გამოცდა ყოველწლიური წვრთნების ნაწილია და რომელიმე ქვეყნის წინააღმდეგ მიმართული არ არის. ვითარებას იაპონიის მახლობლად რუსეთისა და ჩინეთის ერთობლივი სანაოსნო წვრთნები ამწვავებს.

პენტაგონის სპიკერის განცხადებით, აშშ-მა გაფრთხილება წინასწარ მიიღო, რაც გაუგებრობების თავიდან ასარიდებლად მართებული ნაბიჯია.

საინტერესოა, რომ ბოლოს ჩინეთმა კონტინენტთაშორისი ბალისტიკური რაკეტა წყნარ ოკეანეში, 44 წლის წინ, 1980 წელს გამოცადა.