ამერიკელი მილიარდერი ილონ მასკი სოციალურ ქსელ X-ზე წერს, რომ დონალდ ტრამპის დამარცხების შემთხვევაში აშშ-ში "ნამდვილი არჩევნები" აღარ ჩატარდება.

მასკი ამბობს, რომ დემოკრატიული პარტიის ლიდერები აშშ-ში მყოფი 15 მილიონი მიგრანტის ლეგალური სტატუსის მინიჭებას, ხოლო კიდევ ათეულობით მილიონი მიგრანტის ჩაყვანას გეგმავენ.

"თითქმის ყველა დემოკრატიული პარტიის ლიდერის მხრიდან საჯაროდ ითქვა, რომ ისინი 15 მილიონი მიგრანტის ლეგალურად გამოცხადებას, ხოლო ათობით მილიონის აშშ-ში ჩამოყვანას გეგმავენ. ეს მალევე გადააქცევდა ყველა მერყევ შტატს "ლურჯად" (დემოკრატების მხარდასაჭერად). ზუსტად ისე, როგორც 1986 წელის ამნისტიით მოხდა კალიფორნიაში. ეს ამერიკას ერთპარტიულ სახელმწიფოდ აქცევს. ტრამპი თუ დამარცხდება, ეს იქნება ბოლო ნამდვილი არჩევნები", — წერს მასკი.

ინფორმაციისთვის, მასკმა ივლისში თქვა, რომ იმისთვის რომ ხელისუფლებამ 2024 წლის არჩევნებში ბევრი ხმა მიიღოს, ქვეყანაში რაც შეიძლება მეტი არალეგალი მიგრანტის შეშვებას აპირებენ.