Politico-ს ინფორმაციით, ლიეტუველი ევროპარლამენტარი, ანდრიუს კუბილიუსი შესაძლოა უსაფრთხოების, თავდაცვის მრეწველობისა და კოსმოსის საკითხებში ევროკომისარი გახდეს. გამოცემა, საკუთარ წყაროებზე დაყრდნობით, იმ ევროპელ პოლიტიკოსებს ასახელებს, რომლებიც, სავარაუდოდ, ურსულა ფონ დერ ლაიენის ახალ ევროკომისიაში დაიკავებენ თანამდებობებს.

ფონ დერ ლეიენმა მანამდე აღნიშნა, რომ მიზანშეწონილი იქნებოდა თავდაცვის საკითხებში კომისრის ახლად შექმნილ თანამდებობაზე ცენტრალური ან აღმოსავლეთ ევროპის წარმომადგენლის დანიშვნა, რომელიც სპეციალიზებული იქნებოდა საგარეო საკითხებში.

Politico წერს, რომ ამის გათვალისწინებით, კუბილიუსი გამოცდილი პოლიტიკოსია, რომელსაც პრემიერ-მინისტრად მუშაობის ხუთ წელზე მეტი ხნის მუშაობის გამოცდილება აქვს. გარდა ამისა, ის მართავდა ლიეტუვას 2008 წლის ფინანსური კრიზისის დროს. გარდა ამისა, კუბილიუსი უკრაინის აქტიური მხარდამჭერია და გამოდიოდა მოწოდებით, რომ უკრაინის აღდგენის ხარჯები გაყინული რუსული აქტივებით დაფინანსებულიყო. ვილნიუსს მან სამთავრობო დეპარტამენტის ან სამინისტროს შექმნა შესთავაზა, რომელიც მთლიანად უკრაინის საკითხებს დაეთმობა.

რაც შეეხება სხვა ევროკომისრებს, Politico წერს, რომ ესტონელი პოლიტიკოსი კაია კალასი შესაძლოა ევროკავშირის უმაღლესი წარმომადგენელი გახდეს საგარეო საქმეთა და უსაფრთხოების პოლიტიკის საკითხებში, ხოლო უნგრელი ოლივერ ვარჰეი — მულტილინგვიზმის, განათლებისა და სპორტის კომისარი.

გამოცემა წერს, რომ გადაწყვეტილება ევროკომისიის დაკომპლექტების შესახებ ოთხშაბათს გახდება ცნობილი.