რუსთავი 2-ის გენერალურმა დირექტორმა ქიბარ ხალვაშის განცხადებას იმასთან დაკავშირებით, რომ თუ ის რიტორიკას გამოასწორებდა, მასთან თანამშრომლობას დასთანხმდება, ასე უპასუხა:

"პირდაპირ ვეტყვი მას, რომ მე ვარ ისეთი, როგორიც ვარ და ჩემი დამოკიდებულება მის მიმართ არასდროს შეიცვლება. ის არის მანქურთი და ცენზორი ბიძინა ივანიშვილის, მასთან თანამშრომლობას არ ვაპირებ, მაგრამ შეუძლია ამაზე არც იფიქროს, მას არ მოუწევს არავისთან თანამშრომლობა ამ შენობაში, ის ამ შენობაში ფეხს ვერასდროს ვერ შემოდგამს. ის ვერასდროს იქნება რუსთავი 2-ის კანონიერი მფლობელი. რუსთავი 2 არის იმის, ვისიც არის კანონიერად და ეს არ არის ქიბარ ხალვაში".

თბილისის სააპელაციო სასამართლომ დღეს, 10 ივნისს, ძალაში დატოვა საქალაქო სასამართლოს მოსამართლის, თამაზ ურთმელიძის გადაწყვეტილება რუსთავი 2-ის წილების ქიბარ ხალვაშისთვის მიკუთვნებასთან დაკავშირებით.

თბილისის სააპელაციო სასამართლომ რუსთავი 2-ის საქმის განხილვა 7 ივნისს დაასრულა.