საქართველოს ყოფილი პრეზიდენტი, მიხეილ სააკაშვილი, რომელსაც უკრაინის მოქალაქეობა ჩამოართვეს, ამჟამად პოლონეთში იმყოფება. ამ საკითხთან დაკავშირებით საქართველოს მთავარმა პროკურატურამ მიმართა პოლონეთის მხარეს. როგორც უწყებაში აცხადებენ, დაწყებულია კანონით გათვალისწინებული ყველა შესაბამისი პროცედურა, დამატებით ინფორმაციას კი არ ავრცელებენ.

26 ივლისს ამერიკაში ვიზიტისას პოროშენკომ სააკაშვილს ორი წლით წინ მიცემული მოქალაქეობა ჩამოართვა, რაც ნიშნავს იმას, რომ ანულირებულია მისი პასპორტიც. უცნობია, თუ როგორ შეძლო საქართველოს ყოფილმა პრეზიდენტმა ამერიკის დატოვება და ვარშავაში გამგზავრება.

Kyiv Post-ის ცნობით, მიხეილ სააკაშვილი პოლონეთს 3 აგვისტოს რამდენიმე ადგილობრივი დეპუტატის მიწვევით ესტუმრა. იგი ვარშავის აჯანყების 73-ე წლისთავისადმი მიძღვნილ ღონისძიებებს ესწრებოდა.