ნიდერლანდები უკრაინას 200 მილიონ ევროზე მეტი ღირებულების დახმარების ახალ პაკეტს გადასცემს. ამის შესახებ უკრაინაში მყოფი ნიდერლანდების პრემიერ-მინისტრი, დიკ სხოფი სოციალურ ქსელში წერს.

მისი თქმით, ახალი პაკეტი ენერგეტიკული ინფრასტრუქტურის დაცვასა და შეკეთებაზეა იქნება მიმართული.

"ჩვენ ყველაფერი უნდა გავაკეთოთ, რათა უკრაინას წინსვლაში დავეხმაროთ. არა მხოლოდ ფრონტის ხაზზე, არამედ ადამიანების ყოველდღიურ ცხოვრებაშიც. სწორედ ამიტომ, ნიდერლანდები 200 მილიონ ევროზე მეტი ღირებულების დახმარების მნიშვნელოვან ახალ პაკეტს გამოყოფს. პაკეტი ძირითადად ორიენტირებულია ენერგეტიკული ინფრასტრუქტურის დაცვასა და შეკეთებაზე და ჰუმანიტარული დახმარებისთვის დამატებით დაფინანსებას შეიცავს", — დაწერა დიკ სხოფიმ სოციალურ ქსელში.