წელს კანის საერთაშორისო კინოფესტივალზე ძმებ საფდების ფილმის, Good Time-ის, პრემიერა გაიმართა.

შეიძლება ითქვას, რომ სწორედ ამ ფილმით მოახერხა რობერტ პეტინსონმა, რომელსაც აქამდე ბინდის საგის ედვარდად მოვიხსენიებდით, ეჩვენებინა ფართო აუდიტორიისათვის, რომ თვალსა და ხელს შუა კარგ მსახიობად ჩამოყალიბდა და საბოლოო ჯამში, ფილმში ძლიერი და ქარიზმატული პერსონაჟი შექმნა.

რაც შეეხება ფილმს, ის დიდ დანაკარგებსა და იმედგაცრუებებზე მოგვითხრობს, იმაზე თუ რა შედეგები მოაქვს ადამიანებისთვის ერთ არასწორ ნაბიჯსაც კი, რომელსაც ნელ-ნელა სხვა ნეგატიური შედეგები მოჰყვება და საბოლოოდ ვიღებთ იმას, რასაც ვიღებთ.

31 წლის მსახიობმა, რობერტ პატინსონმა, დღეს, ჯიმი კიმელის შოუში, სკანდალური განცხადება გააკეთა და თქვა, რომ მან ფილმში, Good Time, ძაღლთან სექსის სცენაზე უარი თქვა.

რობერტი ხუმრობით ამბობს, რომ ფილმის გადაღებების დროს ბევრი ისეთი რამ ხდებოდა, რაც კანონის ფარგლებს სცდებოდა.

"ჩემი პერსონაჟი კონი ფიქრობდა, რომ წინა ცხოვრებაში ძაღლი იყო და ამიტომ შეუძლია გააკონტროლოს ცხოველების ემოციები. ერთი სცენა გადავიღეთ, სადაც მე ძაღლთან ერთად მძინავს და მას მასტურბაციაში ვეხმარები", ამბობს პეტინსონი.

რაზეც ჯიმი კიმელი ხუმრობით ეკითხება:

"ეს არის ის, რასაც შენ, მსახიობი რობერტ პატინსონი უკეთებ ძაღლებს, თუ ის, რასაც შენი პერსონაჟი აკეთებს".

საბოლოო ჯამში, მხიარული საუბრის დროს პატინსონმა აღნიშნა, რომ ამ სცენის გადაღება არ უნდოდა, რეჟისორები კი მას დასცინოდნენ.

"არ მინდოდა ამის გაკეთება, რეჟისორები კი დამცინოდნენ და მეუბნებოდნენ რომ გამეკეთებინა. იგივეს მეუბნებოდა ძაღლის პატრონი და ამბობდა, რომ მე ეს უნდა გამეკეთებინა. მეუბნებოდნენ რომ უბრალოდ პენისზე შევხებოდი და მასაჟი გამეკეთებინა. საბოლოოდ ამისთვის ყალბი ნივთი გამოვიყენეთ, რაც ძაღლის პენისს ჰგავს", ამბობს რობერტი.

საბოლოო ჯამში სცენა ფილმიდან ამოჭრეს, თუმცა როგორც პატინსონი ამბობს, იმ შემთხვევაში თუ DVD-ის შეიძენთ, ამ სცენას ბონუსად მიიღებთ.

რაც შეეხება ფილმს, ამერიკის კინოთეატრებში ფილმის პრემიერა 11 აგვისტოს შედგება.