ნებრასკას უნივერსიტეტის მიერ ჩატარებული კვლევის მიხედვით, ასაკი, რომელშიც ბიჭები პირველად უყურებენ პორნოგრაფიას, მათ სექსისტურ განწყობებზე ახდენს გავლენას.

კვლევის მიხედვით, რაც უფრო პატარა ასაკში უყურებს ბიჭი პორნოგრაფიას პირველად, მით უფრო მეტად უჩნდება ქალებზე ძალაუფლების ქონის სურვილი.

პორნოს უფრო დიდ ასაკში ყურების შემთხვევაში, ისინი სექსს უფრო თანასწორ აქტად აღიქვამენ, ვიდრე ძალის დემონსტრირებას და უფრო გახსნილებიც არიან.

კვლევაში 330 სტუდენტი გამოიკითხა. მათი საშუალო ასაკი 20 წელი იყო. პორნოს პირველად ყურების საშუალო ასაკი კი - 13 წელი.

კვლევის მონაწილეთა შორის, პორნოს ყურების ყველაზე პატარა ასაკად 5 წელი დასახელდა, ხოლო ყველაზე გვიანი - 26.

ცდის პირების უმრავლესობა თეთრკანიანი და ჰეტეროსექსუალი იყო. მათ ჰკითხეს, როდის უყურეს პორნოს პირველად და ეს იძულებითი იყო, შემთხვევითი თუ განზრახული.

შემდეგ მათ 46 კითხვა დაუსვეს, რომელთა პასუხებსაც უნდა გამოეკვეთათ ორი მნიშვნელოვანი პიროვნული მახასიათებელი:

  1. ქალებზე ძალაუფლების მოპოვების სურვილი;
  2. სექსუალურად გახსნილობა და აქტიურობა.

შედეგების მიხედვით, ისინი, ვინც პორნო პირველად ადრეულ ასაკში ნახა, ეთანხმებოდნენ იმ დამოკიდებულებას, რომ კაცები დომინანტები არიან. მაგალითად, "სიტუაცია უკეთ იმართება, როდესაც მას კაცი წარმართავს".

მკვლევარები გაოცებულები იყვნენ, როცა აღმოაჩინეს, რომ ის პირებს, რომლებმაც პორნოს ყურება უფრო დიდ ასაკში დაიწყეს, ბევრად აქტიური სექსუალური ცხოვრება აქვთ და სექსუალურ პარტნიორებს ხშირად იცვლიან.

ერთ-ერთი მკვლევარი, კრისტინა რიჩარდსონი ამბობს, რომ ისინი, ვინც პორნოს ადრეულ ასაკში უყურებდნენ, სექსით რეალურ ცხოვრებაში დიდ სიამოვნებას აღარ იღებდნენ:

"ამ კაცებს ქალებთან სექსუალურ ურთიერთობისას შიშები და შფოთვები აქვთ, რადგან მათი სექსუალური გამოცდილება ისე არ წარიმართებოდა, როგორც ეს პორნოგრაფიულ ვიდეოებში იყო აღბეჭდილი, ხოლო ისინი, ვინც პორნოს დიდ ასაკში უყურებდნენ, სექსუალური აქტის დროს მეტ სიამოვნებას იღებდნენ".

რიჩარდსონი მიიჩნევს, რომ პორნო კაცებისთვის დიდად ჯანსაღი რამ არ არის და დასძენს, რომ ახალგაზრდა კაცებს უკეთესი მისაბაძი მაგალითები სჭირდებათ, რათა მასკულინურობაზე ჯანსაღი წარმოდგენები ჩამოუყალიბდეთ.

კვლევა ამერიკის ფსიქოლოგთა ასოციაციის ყოველწლიურ კრებაზე წარადგინეს. აღსანიშნავია, რომ ის არ ითვალისწინებდა პორნოს ყურების სიხშირეს, მრავალფეროვნებას, ტიპებს, დემოგრაფიულ და სოციალურ-ეკონომიურ ფაქტორებს.

პიტერ სედინგტონი, რომელიც სექსუალური საკითხების თერაპევტია, ამბობს, რომ პორნოგრაფიას ახალგაზრდა კაცების სექსთან დამოკიდებულებაში დიდი გავლენა აქვს.

"[ახალგაზრდა ასაკში პორნოს ყურების] შედეგი, შესაძლოა, იყოს სექსისტური განწყობების გაღვივება და პარტნიორებისთვის ნაკლებად სექსუალურობა".

ასევე იხილეთ: