შსს-მ კახეთში მომხდარი განზრახ მკვლელობა ცხელ კვალზე გახსნა და 39 წლის, წარსულშიც ნასამართლევი პირი დააკავა.

გამოძიების მიხედვით, ბრალდებულმა გურჯაანის მუნიციპალიტეტში 38 წლის მეუღლე და ორი თანასოფლელი ცეცხლსასროლი იარაღით მოკლა და შემთხვევის ადგილიდან მიიმალა.

პოლიციამ იარაღი, რომლითაც დანაშაულის ჩადენა მოხდა, ნივთმტკიცებად ამოიღო.

გამოძიება სისხლის სამართლის კოდექსის 11 პრიმა 109-ე მუხლით მიმდინარეობს, რომელიც 16-დან 20 წლამდე ან უვადო თავისუფლების აღკვეთას ითვალისწინებს.