ლაგოდეხის მუნიციპალიტეტის სოფელ კაბალიდან გატაცებული ახალგაზრდა ქალი პოლიციამ გუშინ, დღის ბოლოს იპოვა და პოლიციის სამმართველოში გადაიყვანა დაკითხვაზე.

23 წლის ქალი ოთხმა კაცმა გუშინ გაიტაცა.

მთავართან მისი ბიძა ამბობს, რომ გამტაცებლები ქალს იარაღით აშინებდნენ.

"გოგოს ახალგაზრდა კაცი არ უყვარს, იმიტომ რომ ის სწავლობს უნივერსიტეტში, სტუდენტია. ის თავის მომავალზე ფიქრობს და ამ ბიჭს ვერ იტანს. ამის შემდეგ ის იქნება, რასაც კანონი ამბობს. ჩვენ ვცხოვრობთ 21-ე საუკუნეში, არ შეიძლება მოიპარო ადამიანი, ადამიანია, ცხოველი ხომ არ არის?! ასეთი დამოკიდებულება ოცდამეერთე საუკუნეში, ადამიანის მიმართ... ასეთებმა უნდა მიიღონ და მიიღებენ კიდეც. ისინი მუდმივად იცვლიდნენ მისამართებს, ნაცნობებს, ნათესავებს. გამტაცებელი არ ვიცი, სად არის, პოლიციას ჯერ ინფორმაცია არ მოუცია", — ამბობს ბიძა.

გამოძიება სისხლის სამართლის კოდექსის 143-ე მუხლით მიმდინარეობს, რაც თავისუფლების უკანონო აღკვეთას გულისხმობს.