საქართველოში ამერიკის შეერთებული შტატების ელჩმა, იან კელიმ საქართველოს მესამე პრეზიდენტის, მიხეილ სააკაშვილისთვის უკრაინის მოქალაქეობის ჩამორთმევასთან დაკავშირებით ისაუბრა.

"რაც შეეხება ამერიკის პოზიციას. ჩვენ მსგავს თემებს ვუყურებთ საერთაშორისო ვალდებულებისა და საერთაშორისო სამართლის ჭრილში. ამ კონკრეტულ მოქმედებასთან დაკავშირებით შემიძლია ვთქვა, რომ ეს არის უკრაინის ქვეყნის საქმე და მათი გადასაწყვეტი", - აღნიშნა იან კელიმ. კელის კომენტარის თარგმანს რუსთავი 2 ავრცელებს.

სააკაშვილისთვის უკრაინის მოქალაქეობის ჩამორთმევის შესახებ ინფორმაცია 26 ივლისს გავრცელდა. მიხეილ სააკაშვილი ამერიკის შეერთებულ შტატებში იმყოფება.