მოკლედ: საქართველოს სტატისტიკის ეროვნული სამსახური 14 ნოემბერს მოსახლეობისა და სასოფლო-სამეურნეო აღწერას იწყებს.

  • ამის შესახებ დღეს, 4 ივნისს, ბრიფინგზე განაცხადა გოგიტა თოდაძემ, საქსტატის აღმასრულებელმა დირექტორმა.

დეტალები: თოდაძის თქმით, აღწერა ჩატარდება ორ ეტაპად.

  • პირველ ეტაპზე, 4 ნოემბრიდან 23 ნოემბრამდე, მონაცემების შევსება მოქალაქეებს თავად შეეძლებათ სპეციალურ ვებსაიტზე: "მომხმარებელს შეეძლება შევიდეს საქსტატის საიტზე და დამოუკიდებლად დაარეგისტრიროს კითხვარით გათვალისწინებული ინფორმაცია".
  • მეორე ეტაპზე, 29 ნოემბრიდან 19 დეკემბრამდე, საქსტატის თანამშრომლები კარდაკარ პრინციპით გამოჰკითხავენ მოსახლეობას.

ნოემბერ-დეკემბრის თვეებში, ამინდის შესაძლო გაუარესების გამო, მესტიის, ლენტეხის, ყაზბეგის, დუშეთის (გუდამაყრის, ქვეშეთის, ხევსურეთის, უკანაფშავის, შატილის, მაღაროსკარის ადმინისტრაციულ ერთეულებში), ახმეტის (ომალოს ადმინისტრაციულ ერთეულში) და ფასანაურის ადმინისტრაციულ ერთეულში შემავალ სოფლებში მაღალმთიან დასახლებებში მოსახლეობის აღწერა ჩატარდება 2024 წლის სექტემბერში.

  • "აღწერას ექვემდებარება საქართველოს მოქალაქე, საქართველოში დროებით არ მყოფი პირები, საქართველოს ტერიტორიაზე მყოფი უცხო ქვეყნის მოქალაქეები, მიუხედავად ქვეყანაში ყოფნის ხანგრძლივობისა. ასევე, ქვეყანაში მყოფი მოქალაქეობის არ მქონე პირები", — თქვა თოდაძემ.
  • მისივე განცხადებით, აღწერის წინასწარი შედეგები გამოქვეყნდება 2025 წლის ივნისში, ხოლო საბოლოო შედეგები — 2026 წლის ივნისში.

ბოლო ხაზი: საყოველთაო აღწერა ქვეყანაში ყოველ 10 წელში ერთხელ ტარდება. ბოლო კვლევა 2014 წლის ნოემბერში ჩატარდა.