მოკლედ: სპეციალურმა საგამოძიებო სამსახური აცხადებს, რომ დღეს, 13 მაისს, პარლამენტთან, სამართალდამცავების მიერ აქციის მონაწილეებზე ძალის გადამეტების ფაქტებზე, გამოძიება დაიწყო.

  • გამოძიება დაიწყო სისხლის სამართლის კოდექსის 333-ე მუხლის მესამე ნაწილის "ბ" ქვეპუნქტით გათვალისწინებული დანაშაულის ნიშნებით.

დეტალები: დღეს, 13 მაისს, რუსული კანონის საპროტესტო აქციიდან, მედიებმა გაავრცელეს ვიდეო კადრები, სადაც ჩანს თუ როგორ უსწორდებიან ფიზიკურად, სპეცრაზმელები მოქალაქეებს და აკავებენ.

  • პოლიციის მხრიდან, მოქალაქეთა მიმართ რამდენიმე არასათანადო მოპყრობის ფაქტებზე, სახალხო დამცველმა, ლევან იოსელიანმაც განაცხადა. მან შინაგან საქმეთა სამინისტროს მოუწოდა იმოქმედოს კანონმდებლობის ფარგლებში.

მსგავსი: პოლიციის მხრიდან, კვლავ დაფიქსირდა მოქალაქეთა მიმართ რამდენიმე არასათანადო მოპყრობის ფაქტი — სახალხო დამცველი

  • იქამდე, ახალგაზრდა იურისტთა ასოციაცია გამოეხმაურა ტვ პირველის მიერ გავრცელებულ კადრებს, სადაც ჩანს, თუ როგორ უსწორდებიან სპეცრაზმელები ძირს დაგდებულ მოქალაქეს.

გაიგე მეტი: მოვუწოდებთ შს მინისტრს, დაუყოვნებლივ გააკეთოს განცხადება კადრებზე, სადაც ჩანს, თუ როგორ უსწორდებიან სპეცრაზმელები მოქალაქეს — საია