რა ხდება: ბლოგერ უჩა აბაშიძეს და მის ცოლს, მარი იაშვილს, აღკვეთის ღონისძიების სახით, პატიმრობა შეეფარდათ.

  • მოსამართლე ალექსანდრე იაშვილი იყო.
  • ინფორმაცია On.ge-ს აბაშიძის ადვოკატმა, გიორგი მახარაძემ დაუდასტურა.

დეტალები: უჩა აბაშიძეს, რომელიც რუსული კანონის აქტიური მოწინააღმდეგეა, შსს, თავდაპირველად, იარაღის უკანონო შეძენა-შენახვაში სდებდა ბრალს.

  • უწყებამ გამოაქვეყნა კადრები, სადაც ჩანს იარაღი, რომელიც აბაშიძის სახლიდან ამოიღეს.

ამ თემაზე: უჩა აბაშიძის სახლში ამოღებული იარაღი, ძირითადად, სათამაშოა, ტყვიები კი პლასტმასის — ლია თოდუა

  • მას შემდეგ კი, რაც დააკავეს აბაშიძის ცოლი, მარი იაშვილი, შსს-მ ახალი ბრალდების შესახებ გაავრცელა ინფორმაცია — კერძოდ, სხვადასხვა პირების პირადი ცხოვრების საიდუმლოს ამსახველი მასალების უკანონოდ მოპოვება და შენახვა.

პროკურატურის ინფორმაციით, ორივე მათგანს ბრალდება წარედგინა პირადი ცხოვრების საიდუმლოს ხელყოფის მუხლით, ამასთან, უჩა აბაშიძეს საბრძოლო მასალის მართლსაწინააღმდეგო შეძენა-შენახვაც ბრალდება.

  • დანაშაული სასჯელის სახით 4-დან 7 წლამდე თავისუფლების აღკვეთას ითვალისწინებს.

ასევე, ნახეთ: მშვენიერაძე — "Airsoft ვისაც უთამაშია, ხომ ყველა ხვდება რა არის ფოტოზე? სათამაშო იარაღები, რომლებიც პატარა პლასტმასის ბურთებს ისვრის"