რა ხდება: შინაგან საქმეთა სამინისტრომ ისევ გამოიყენა მშვიდობიანი ხალხმრავალი აქციის მომიტინგეთა წინააღმდეგ სპეციალური საშუალებები, მოქალაქეთა შესაბამისი სიგნალით გაფრთხილების გარეშე.

განცხადებიდან: "მას შემდეგ, რაც შინაგან საქმეთა სამინისტროს დანაყოფებმა დატოვეს პარლამენტის მიმდებარე ტერიტორია, აქციის მონაწილეები გახდნენ აგრესიულები და საკანონმდებლო ორგანოს შესასვლელი რკინის კარების დაზიანება სცადეს.

  • შინაგან საქმეთა სამინისტროს თანამშრომლებმა, მართლწესრიგის აღდგენის მიზნით, გამოიყენეს კანონით დადგენილი სპეციალური საშუალება, ე.წ. წიწაკის სპრეი და წყლის ჭავლი.
  • მოვუწოდებთ აქციის თითოეულ მონაწილეს მშვიდად გამოხატონ პროტესტი, არ დაუშვან ძალადობრივი ქმედებები და დაემორჩილონ სამართალდამცველების კანონიერ მითითებას. კანონდარღვევის ნებისმიერ ქმედებებზე პოლიცია სამართლებრივ რეაგირებას მოახდენს."

მანამდე, შსს-მ განაცხადა, რომ ჩიტაძისა და ჭიჭინაძის ქუჩიდან პოლიციის კორდონების გაიყვანა და "აქციის მონაწილეებს შესაძლებლობა ექნებათ პროტესტი გამოხატონ მათთვის სასურველ ადგილზე."

ბოლო ხაზი: ხელისუფლება საპოლიციო ძალების გამოყენებით ხშირად შლის რუსული კანონის საწინააღმდეგო საპროტესტო აქციებს პარლამენტის შენობის მიმდებარედ. ამისთვის მათ ძალა გამოიყენეს გასულ ღამესაც, 30 აპრილს.