რა ხდება: რუსული კანონის საწინააღმდეგო აქციის მონაწილეების ნაწილს ქართული ოცნების ოფისისკენ, ნაწილი კი — მთავრობის ადმინისტრაციასთან წასვლისკენ მოუწოდეს.

  • დიდი ნაწილი კვლავ რუსთაველის გამზირზე დარჩება.

დეტალები: აქციის ორგანიზატორების თქმით, ახლა პარლამენტის შენობა ცარიელია, ამიტომ, სხვა ადგილებშიც გადანაწილდებიან.

  • ცოტა ხნის წინ, პარლამენტის გვერდითა შესასვლელთან, 9 აპრილის ქუჩაზე სიტუაცია დაიძაბა.
  • საპოლიციო ძალებმა ჭიშკართან მყოფი მომიტინგეების წინააღმდეგ ე.წ წიწაკის სპრეი, წყლის ჭავლი და ცრემლსადენი გაზი გამოიყენეს.
  • ადგილზე გადაღებულ კადრებში ჩანს, რომ სამართალდამცავები დემონსტრანტებს წყლის ჭავლს პარლამენტის ჭიშკრის შიდა მხრიდან ასხამენ.
  • ასევე, სპეცრაზმია განლაგებული თავისუფლების მოედანზეც.