მოკლედ: ქვეშეთი-კობის 9-კილომეტრიანი გვირაბის გაჭრის პროექტი, რომელიც უცხოური დაფინანსებით, კერძოდ, ევროპის რეკონსტრუქციისა და განვითარების ბანკის (EBRD) და აზიის განვითარების ბანკის (ADB) ფინანსური მხარდაჭერით ხორციელდებოდა, დასრულდა.

  • პროექტის საერთო ღირებულება 1.2 მილიარდი ლარია.

ფოტო: საავტომობილო გზების დეპარტამენტი

დეტალები: საავტომობილო გზების დეპარტამენტის ინფორმაციით, საქართველოში ყველაზე გრძელი, ქვეშეთი-კობის გვირაბის სიგრძე ცხრა კილომეტრი, დიამეტრი კი 15 მეტრია.

  • ქვეშეთი-კობის პროექტის ფარგლებში, ჯამში, შენდება განათების სისტემით უზრუნველყოფილი 23 კმ-იანი 2 ზოლიანი ასფალტ-ბეტონის გზა, რომელიც მოიცავს 5 ხიდისა და 5 გვირაბის მშენებლობას და 1 ხიდის რეაბილიტაციას.
  • პროექტი ითვალისწინებს გუდაურამდე მისასვლელი 5 კმ-იანი ახალი გზის და ტურისტული ცენტრის მშენებლობას.

ფოტო: საავტომობილო გზების დეპარტამენტი

"ამჟამად ქვეშეთიდან კობამდე მგზავრობას 1 საათი სჭირდება, ზვავსაშიშროების გამო კი, ხშირად მოძრაობა იკრძალება კიდეც, პროექტის დასრულების შემდეგ, მონაკვეთის გავლას მხოლოდ 15 წთუთი დასჭირდება" — წერს საავტომობილო გზების დეპარტამენტი.

  • მათივე ინფორმაციით, ქვეშეთი-კობის 23 კმ-იანი გზის მშენებლობა, ეტაპობრივად, 2024-2025 წლებში დასრულდება.