მოკლედ: პარლამენტის შენობის წინ, დემონსტრანტთა რაოდენობის გამო, რუსთაველის გამზირი გადაიკეტა.

  • ხალხი აპროტესტებს საქართველოს ხელისუფლების დაჟინებულ სურვილს, მიიღოს რუსული კანონი.
  • უშუალოდ პარლამენტის შიდა ეზოში, ისევე, როგორც შენობის ირგვლივ და მიმდებარე ტერიტორიაზე, მობილიზებულია საპოლიციო ძალები დიდი შემადგენლობა.
  • ასევე, საკანონმდებლო ორგანოს ეზოშია განლაგებული სპეცრაზმი.

დეტალები:

  • სხვადასხვა უნივერსიტეტების სტუდენტები რუსთაველის მეტროსთან იკრიბებიან. მათ აქვთ ტრანსპარანტები და ევროკავშირის დროშები.
  • პარლამენტში საპარლამენტო უმრავლესობამ დღეს, 17 აპრილს რუსულ კანონპროექტს პირველი მოსმენით დაუჭირა მხარი.
  • საპროტესტო აქციები კანონპროექტის შეჩერების მოთხოვნით პარლამენტის მიმდებარე ტერიტორიაზე დღეებია, მიმდინარეობს.
  • გასულ, 16 აპრილის ღამეს ხელისუფლებამ აქციის მშვიდობიანი მონაწილეები და ჟურნალისტები დაარბია ძალის გამოყენებით.

გაიგე მეტი: "მირტყამდა რამდენიმე რობოკოპი" — სპეცრაზმმა მშვიდობიანი მომიტინგეები ძალის გამოყენებით დაარბია

კონტექსტი: დღეს, 17 აპრილს, ევროკავშირის მაღალჩინოსნებმა რუსული კანონის პირველი მოსმენით მიღებასთან დაკავშირებით, განცხადება გაავრცელეს. ევროკავშირის უმაღლესი წარმომადგენელი, ჯოზეფ ბორელი და სამეზობლო პოლიტიკისა და გაფართოების საკითხებში ევროკავშირის კომისარი, ოლივერ ვარჰეი აცხადებს, რომ "მოვლენათა ამგვარი განვითარება ძალზე შემაშფოთებელია და ამ კანონის საბოლოო მიღება უარყოფითად იმოქმედებს საქართველოს წინსვლაზე ევროკავშირისკენ მიმავალ გზაზე. ეს კანონი ევროკავშირის ძირითად ნორმებთან და ღირებულებებთან შეუთავსებელია."

ამის საპირისპიროდ, ხელისუფლებას რუსული კანონის მიღებას უწონებს კრემლი.

გაიგე მეტი:

სახალხო დამცველი 16-17 აპრილის აქციის მონიტორინგის პირველადი შედეგების შესახებ დოკუმენტს აქვეყნებს