მოკლედ: საქართველოს პრემიერ-მინისტრმა ირაკლი კობახიძემ, წინა პრემიერ-მინისტრის, ირაკლი ღარიბაშვილის კადრი, დაზვერვის სამსახურის უფროსი შალვა ლომიძე სამსახურიდან გაათავისუფლა.

  • პრემიერ-მინისტრმა ბრძანებას ხელი მოაწერა გუშინ, 4 აპრილს.

ფოტო: საქართველოს მთავრობა

დეტალები: ყოფილმა პრემიერ-მინისტრმა ირაკლი ღარიბაშვილმა შალვა ლომიძე დაზვერვის სამსახურის უფროსად 2021 წლის 23 აპრილს დანიშნა.

  • ლომიძე 2020 წლიდან 2021 წლამდე იკავებდა სამსახურის უფროსის მოვალეობის შემსრულებლის პოზიციას.
  • 2014-2020 წლებში, დაზვერვის სამსახურის უფროსის პირველი მოადგილე იყო, სხვადასხვა პერიოდში კი — შსს-ს საინფორმაციო-ანალიტიკური დეპარტამენტის მთავარი სამმართველოს უფროსი.
  • ასევე, ლომიძე მუშაობდა უწყების კონტრდაზვერვის დეპარტამენტში სხვადასხვა თანამდებობაზე და სახელმწიფო უსაფრთხოების სამსახურში კონტრდაზვერვის მიმართულებით.