რა ხდება: ოკუპირებული აფხაზეთის ე.წ. პრეზიდენტი ასლან ბჟანია მოუწოდებს მოსახლეობას — მათ, ვინც რუსულ პასპორტებს ფლობენ, მიიღონ რუსეთის არჩევნებში მონაწილეობა და ხმა მისცენ ვლადიმირ პუტინს.

  • აფსნიპრესის ინფორმაციით, ამის შესახებ მან აფხაზეთის ახალგაზრდულ ფორუმზე ისაუბრა.

დეტალები: ბჟანია მიიჩნევს, რომ ეს არის "აფხაზეთისთვის შესაძლებლობა, გამოხატოს მადლიერება".

  • "ეს არჩევანი გავლენას მოახდენს არა მხოლოდ რუსეთის მომავალზე, არამედ ჩვენს საერთო მომავალზეც. ჩვენ უნდა დავუჭიროთ მხარი მათ, ვინც ჩვენთან ერთად დაიღუპა, მხარი დაგვიჭირა და ვინც წვლილი შეიტანა ჩვენი დამოუკიდებლობისა და კეთილდღეობის განვითარებაში. ეს არის ჩვენი შესაძლებლობა, გამოვხატოთ მადლიერება და პატივისცემა.
  • რა თქმა უნდა, საუბარია რუსეთის ფედერაციის პრეზიდენტ ვლადიმირ ვლადიმერ პუტინზე, რომლის პირადი წვლილი დამოუკიდებელი და სუვერენული აფხაზეთის ჩამოყალიბებასა და განვითარებაში ფასდაუდებელია", — თქვა ბჟანიამ.
  • ის, ასევე, დარწმუნებულია, რომ პუტინი "რუსეთს გამარჯვებამდე მიიყვანს".

ბოლო ხაზი: აფსნიპრესის ცნობით, რუსეთის საპრეზიდენტო არჩევნები ოკუპირებულ აფხაზეთში 17 მარტს გაიმართება.

  • მასში მონაწილეობის მიღებას შეძლებენ რუსეთის მოქალაქეები, რომლებიც ცხოვრობენ, ან დროებით იმყოფებიან აფხაზეთის ტერიტორიაზე.