მოკლედ: პრემიერ-მინისტრის, ირაკლი კობახიძის თქმით, "კორუფციასთან ბრძოლის ძალიან კარგი შედეგი გვაქვს", რასაც, მისი თქმით, ძალიან ბევრი საერთაშორისო კვლევა ადასტურებს.

  • " ჩვენ უნდა გვქონდეს იმის ამბიცია, რომ ამ თვალსაზრისით ვიყოთ მსოფლიოს მოწინავე ქვეყნებს შორის, რაც არის აბსოლუტურად რეალისტური ამოცანა", — თქვა კობახიძემ განახლებული მთავრობის პირველ სხდომაზე.

ფართო სურათში: კობახიძისგან განსხვავებით, სამთავრობო გუნდში არსებული კორუფციის მაღალი რისკების შესახებ ღიად განაცხადა მმართველი პარტიის საპატიო თავმჯდომარემ, ბიძინა ივანიშვილმა: "ოპოზიციური კონტროლის არარსებობის პირობებში, კორუფციის რისკებიც მატულობს, რასაც საგანგებო დაზღვევა ესაჭიროება", — თქვა მან, როდესაც 2023 წლის 30 დეკემბერს, მისივე დაფუძნებული პარტიის საპატიო თავმჯდომარედ აირჩიეს.

  • კორუფციის მაღალი რისკების შესახებ სისტემატურად საუბრობს ორგანიზაცია საერთაშორისო-გაჭვირვალობა საქართველო, რომელიც აცხადებს, რომ საქართველოს რეგიონებშიც სულ უფრო იმატებს კორუფციის სავარაუდო შემთხვევები და თანამდებობის პირებთან და ბიძინა ივანიშვილთან დაკავშირებული კომპანიები მსხვილ კონტრაქტებს იღებენ სახელმწიფო შესყიდვებიდან.
  • მათ მიერ გამოქვეყნებულ დოკუმენტში გვხვდება რამდენიმე კონკრეტული მაგალითი, როდესაც ბიძინა ივანიშვილთან დაკავშირებულმა პირებმა, ან მათმა კომპანიებმა, ასობით ათასი ლარი მიიღო ბიუჯეტიდან შესყიდვების სახით.

გაიგე მეტი: კორუფცია ივანიშვილის ჩრდილქვეშ? — მინიშნებები ახალი ანგარიშიდან