მოკლედ: რუსი დეპუტატის თქმით, სამხედრო თვითმფრინავი ბელგოროდში უკრაინამ ჩამოაგდო.

  • ანდრეი კარტაპალოვს შესაბამისი მტკიცებულებები არ წარუდგენია.

დეტალები: რუსეთის დუმის დეპუტატი ამბობს, რომ უკრაინელებმა თვითმფრინავს სამი რაკეტა ესროლეს.

  • კარტაპალოვის განცხადებით, სამივე რაკეტა იყო იმ ტიპის, რომლითაც უკრაინას დასავლეთი ამარაგებს.

რა ვიცით ინციდენტზე: რუსული სამხედრო თვითმფრინავი ბელგოროდის ოლქში ცოტა ხის წინ ჩამოვარდა.

  • ტელეგრამზე ვრცელდება ტელეფონით გადაღებული კადრები, სადაც ჩანს, როგორ ვარდება ილ-76.
  • რუსეთის თავდაცვის სამინისტროს ინფორმაციით, ბორტზე 74 ადამიანი იმყოფებოდა, მათ შორის — 65 უკრაინელი ტყვე, რომლებიც, მოსკოვის მტკიცებით, უნდა გადაეცვალათ.
  • მოგვიანებით, რუსეთის პარლამენტის თავდაცვის კომიტეტმა გაავრცელა ინფორმაცია, რომ იყო მეორე თვითმფრინავიც, რომელშიც 80 უკრაინელი ტყვე იმყოფებოდა, თუმცა ამ თვითმფრინავმა გეზი შეიცვალა.