ქართული საბავშო ანსამბლ ლამპარის წევრები თურქეთში, ტრაპიზონთან 120 კილომეტრში, ავარიაში მოყვა. რუსთავი 2-ის ინფორმაციით, ავტობუსი გზიდან გადავიდა, ბოძს შეეჯახა და ამოყირავდა.

ავტობუსში 9-დან 13 წლამდე ასაკის მოზარდები იმყოფებოდნენ და ისინი ბულგარეთში, გასტროლებზე, მიდიოდნენ. სულ დაშავებულია 38 ადამიანი, მათი უმრავლესობა ბავშვია.

საქართველოს საგარეო საქმეთა სამინისტროს ინფორმაციით, ავარიას მსხვერპლი არ მოყოლია, ხოლო დაშავებულები თურქეთის ოთხ სხვადასხვა საავადმყოფოში არიან გადაყვანილები და მათ საკონსულოების წევრები მოინახულებენ.