რა ხდება: საქართველოს პრეზიდენტი საფრანგეთში გაემგზავრა.

  • ის დაესწრება პარიზის მშვიდობის ფორუმს, რომელიც 10-11 ნოემბერს გაიმართება.

დეტალები: ზურაბიშვილი ხვალ ევროპული საბჭოს პრეზიდენტთან, შარლ მიშელთან და შვეიცარიის კონფედერაციის პრეზიდენტთან ალან ბერსესთან ერთად, მონაწილეობას მიიღებს პანელის მუშაობაში, რომელიც კონფლიქტებისა და კრიზისების საკითხებს განიხილავს.

  • ამავე ფორუმზე დასასწრებად გუშინ საფრანგეთში საქართველოს პრემიერ-მინისტრიც გაემგზავრა.
  • მთავრობის პრესსამსახურის ინფორმაციით, ირაკლი ღარიბაშვილი პარიზში მაღალი დონის შეხვედრებსაც გამართავს.
  • გუშინ, ორბელიანების სასახლესთან გამართულ ღონისძიებაზე პრეზიდენტმა თქვა, რომ მას და პრემიერს, "ნებით თუ უნებლიეთ, დეპოლარიზაციის მაგალითის მიცემა გამოუვათ".