მოკლედ: On.ge-ს აცნობეს, რომ 24 ოქტომბერს, 18:00-ზე, ონორეში, უკრაინაში ქართული ლეგიონის მხარდაჭერის ფონდს (Фонд підтримки Грузинського легіону в Україні) დააფუძნებენ და ვებგვერდის პრეზენტაციას გამართავენ. თავდაპირველად, ღონისძიება ფაბრიკაში იყო დაანონსებული.

დეტალები: მათი ცნობით, ღონისძიებაში მონაწილეობას მიიღებენ

  • ქართული ლეგიონის მეთაური, მამუკა მამულაშვილი;
  • ქართული ლეგიონის მეთაურის მოადგილე, ლევან ფიფია;
  • ახლად შექმნილი ფონდის ელჩები და დამფუძნებლები;
  • "და იმ პარტნიორი ორგანიზაციების წარმომადგენლები, რომლებმაც საკუთარი წვლილი შეიტანეს ამ წამოწყებაში".

სტრიქონებს შორის: 18 სექტემბერს სუს-ში ბრიფინგი გამართეს, "მოსალოდნელ არეულობაზე, ტერორისტული აქტსა და ხელისუფლების შეცვლის მცდელობასთან" დაკავშირებულ სცენარებზე ისაუბრეს და ამ კონტექსტში მამუკა მამულაშვილი — ქართული ლეგიონის მეთაური ახსენეს.

ამაზე, ფორმულასთან კომენტარისას მამულაშვილმა თქვა, რომ: "ეს არის რუსული ხელწერა, საქართველოს რუსული ხელისუფლება გააქტიურდა და ამით ქართული ლეგიონის დისკრედიტაციას ცდილობს".

რა ვიცით ქართული ლეგიონის შესახებ:

მათი ინფორმაციით,

  • ქართული ლეგიონი მოხალისეობრივი სამხედრო დანაყოფია, რომელიც 2014 წელს უკრაინაში რუსეთის აგრესიის დაწყებისას შეიქმნა და ის არის უცხოელებისგან შემდგარი ყველაზე დიდი ფორმირება ქვეყნის შეიარაღებულ ძალებში.
  • უკრაინის თავდაცვის სამინისტროს დაზვერვის მთავარი სამმართველოს შემადგენლობაში შემავალი ქვედანაყოფის მებრძოლები სპეციალურ დავალებებს ასრულებენ სამხრეთ-აღმოსავლეთის ფრონტის ყველა ცხელ წერტილში, რუსი ოკუპანტებისგან უკრაინის დამოუკიდებლობისა და ტერიტორიული მთლიანობის დასაცავად.