ამერიკელი რეპერი კენჯუან მაკდანიელი პოლიციამ მკვლელობის ბრალდებით მას შემდეგ დააკავა, რაც მან "საკუთარი სიმღერის ტექსტში" დანაშაული აღიარა.

მაკდანიელი მკვლელობაში სავარაუდო ეჭვმიტანილი ჯერ კიდევ 2021 წელს გახდა, რადგან დამნაშავის ტრანსპორტის აღწერილობა მისი მანქანისას დაემთხვა. თუმცა, ძალოვანმა უწყებამ რეპერის დაკავების ბრძანება მხოლოდ მას შემდეგ გასცა, რაც ივლისის თვეში გამომძიებელმა მის ახალ ვიდეოკლიპს უყურა და სიმღერის ტექსტის შინაარსი ენიშნა.

სიმღერაში მაკდანიელი დეტალურად აღწერს დანაშაულის ჩადენის მომენტსაც და მას შემდეგ განვითარებულ მოვლენებსაც. ამასთან, მსგავსი სიუჟეტი აქვს ვიდეოკლიპსაც. ეს კი, როგორც ჩანს, პოლიციისთვის საკმარისი აღმოჩნდა, რომ რეპერი ეჭვმიტანილად მიეჩნია და დაეკავებინა.

"დეტექტივებმა შენიშნეს, რომ ვიდეოკლიპის შინაარსსა და მკვლელობის დეტალებს შორის საკმარისი მსგავსება იყო", — წერია პოლიციის განცხადებაში, — "ამას ემატება ის ფაქტიც, რომ კენჯუანი სიმღერის ტექსტში მკვლელობას აღიარებს. დანაშაულის შესახებ ვიდეოკლიპით მიღებული ინფორმაცია კი საზოგადოებისათვის თავის დროზე ცნობილი არ გამხდარა.

"გამოძიების შედეგად შეგროვებული ფაქტები ვიდეოკლიპისგან დამოუკიდებლადაა მოპოვებული. ვიდეოკლიპმა კი გამოძიების შედეგების სისწორე დაადასტურა".