ჯაღმაიძის მტკიცებით, ბოლო დროს ზოგიერთი ჟურნალისტის მხრიდან გახშირდა მცდელობა, ბოლო პერიოდში მომხდარი თავდასხმების "პასუხისმგებლობის ვექტორი საპატრიარქოსკენ მიმართოს, რადგან ინციდენტის დროს პატრიარქი ახსენეს.

  • საუბრობს საპატრიარქოსა და სასულიერო პირების მიმართ "გაჩაღებულ აგრესიულ კამპანიაზე" და წერს, რომ ამ ადამიანებისთვის პასუხის არგაცემისთვის "დიდი მოთმინებაა საჭირო".
  • "ვთხოვთ ყველას, უბრალოდ გავიხსენოთ სატელევიზიო სიუჟეტები, მათი გააფთრებული (არ მოვერიდები ამ სიტყვას გამოყენებას) საჯარო გამოსვლები მიტინგებსა და აქციებზე, ინტერვიუები, რომლებიც აღსავსე იყო სასულიერო პირების, მათ შორის — პატრიარქის, დაცინვითა და ქილიკით, შეურაცხყოფით, ძალადობისაკენ მოწოდებით".
  • შემდეგ კი ამბობს, რომ "საპატრიარქოს მხრიდან მსგავსს ვერაფერს აღმოვაჩენთ".

დეტალები: ჯაღმაიძე არაფერს ამბობს საპატრიარქოს პასუხისმგებლობაზე, სამაგიეროდ, საუბრობს მედიასაშუალებებზე, რომლებიც, მისი სიტყვებით საზოგადოების შერიგებისთვის ნაბიჯებს არ დგამენ.

  • "ამ ქმედებებიდან და დამოკიდებულებიდან ადვილად მივხვდებით, ვისი მიზეზით იზრდება დაპირისპირება, შუღლი და შეურაცხყოფა საზოგადოებაში".
  • პოსტის ბოლოს კი წერს, რომ ძალადობა არ არის ქრისტიანული და ეკლესიის ძალისხმევა და მოწოდება სწორედ მოყვასისადმი სიყვარულის ქადაგებაა.
  • "რჩება შთაბეჭდილება, რომ პროვოკაცია ხშირ შემთხვევაში წინასწარ იგეგმება, რათა შემდეგ თუ ვინმე მის საპასუხოდ ძალას გამოიყენებს, კვლავ საპატრიარქოს წინააღმდეგ იქნეს მომართული მედიასაშუალებები".
  • პოსტში ასევე მოჰყვავს "სტატისტიკა", რომელიც, მისი თქმით, მართლმადიდებელი ეკლესიისა და საპატრიარქოს შესახებ ბოლო ათი წლის განმავლობაში მედიასაშუალებებით გავრცელებულ უარყოფით და კრიტიკულ მასალებს ასახავს.

გუშინ 27 ივნისს, კარფურის ჰიპერმარკეტთან ფორმულას ერთ-ერთ დამფუძნებელს, მიშა მშვილდაძეს უცნობი პირი თავს დაესხა და ფიზიკურად გაუსწორდა.

  • "სახეში მუშტი დამარტყა. მერე ფეხი წამოვკარი კიბეს და წავიქეცი, წამოდგომა ვერ მოვახერხე და ის უკნიდან ცდილობდა, რომ ერტყა და ერტყა კიდევ", — უთხრა მშვილდაძემ ფორმულას.
  • მისივე თქმით, თავდამსხმელი ეუბნებოდა, "შენ პატრიარქს როგორ აგინებო".
  • დღეს მოქალაქემ ნიკოლოზ გუგეშაშვილის სახელით სოციალურ ქსელში დაწერა, რომ მშვილდაძეს თავს ის დაესხა