სპორტის კომიტეტის თავმჯდომარემ, მიხეილ ყაველაშვილმა, დღეს 28 ივნისის პლენარულ სხდომაზე განაცხადა, რომ სექტემბერში იტალიის პარლამენტის საფეხბურთო გუნდი აპირებს ჩამოვიდეს საქართველოში და ეთამაშონ ქართველ კოლეგებს:

"ეს იქნება ძალიან კარგი ჯანსაღი ცხოვრების წესის განვითარებისთვის".

მიხეილ ყაველაშვილმა აღნიშნა, რომ კონსტიტუციაში სპორტის შესახებ ჩანაწერი, ძალიან მნიშვნელოვანია: "მინდა ციტირება მოვახდინო: "სახელმწიფო ზრუნავს სპორტის განვითარებაზე ჯანსაღი ცხოვრების დამკვდრებაზე, ბავშვების და ახალგაზრდების ფიზიკურ განვითარებასა და სპორტში მათ ჩართვაზე", - ეს ჩანაწერი მოიცავს საზოგადოების თითქმის ყველა ფენას და იგი საფუძველი გახდება ახალი საკანონმდებლო ცვლილებებისა, რომლებზეც დაწყებული გვაქვს მუშაობა".

ყაველაშვილის თქმით, საქართველო სტაბილური და უსაფრთხო ქვეყანა გახდა და ძალიან კარგად ვითარდება:

"მხოლოდ 2017 წლის სპორტული ღონისძიებები რომ ჩამოგითვალოთ, ჩატარდა 20 წლამდე მსოფლიო ჩემპიონატი რაგბიში, ახლა ტარდება 10 წლამდელების ევროპის ჩემპიონატი ფეხბურთში".