რა მოხდა: 6 ივნისს რუსეთის თავდაცვის სამინისტრომ გაავრცელა ინფორმაცია, რომ უკრაინაში 8 გერმანული ტანკი, ე.წ. ლეოპარდები გაანადგურეს.

  • მტკიცებულებად რუსმა პროპაგანდისტებმა გამოაქვეყნეს ვიდეო, რომელშიც ოკუპანტები ტანკსაწინააღმდეგო სარაკეტო სისტემიდან მოძრავ სამიზნეს ესვრიან.
  • ამტკიცებდნენ, რომ სწორედ ეს სამიზნე იყო ლეოპარდის ტანკები, რომლებიც გერმანიამ უკრაინის შეიარაღებულ ძალებს გადასცა.

თუმცა, გლობალურმა ქსელმა, OSINT-მა, რომელიც სადაზვერვო ინფორმაციას აანალიზებს, რუსეთის თავდაცვის სამინისტროს მიერ გამოქვეყნებულ ვიდეოში სასოფლო სამეურნეო ტექნიკა, კერძოდ, ტრაქტორი და კომბაინი ამოიცნო.

  • ყალბი ინფორმაციის გავრცელებაში რუსეთის თავდაცვის სამინისტრო, ასევე, დაადანაშაულეს უკრაინის მხარდამჭერმა რუსმა სამხედრო ბლოგერებმაც.
  • მათი ინფორმაციით, სინამდვილეში, ოკუპანტებმა გაანადგურეს მინდვრებში მიტოვებული John Deere 9000 და 700 სერიის კომბაინები, ასევე, John Deere 4830 ტრაქტორი.
  • "მათ დაინახეს რაღაც ობიექტი და მაშინვე დაარტყეს მას 50 000 დოლარის ღირებულების მართვადი რაკეტებით — "იქ რაღაც დგას? მოდი, ვიმუშაოთ". მაგრამ რუსეთის თავდაცვის სამინისტროს ანგარიშის გაყალბება ახლა არ დაწყებულა", — წერენ ისინი.