საქართველოს პრეზიდენტი გიორგი მარგველაშვილი მიიჩნევს, რომ 2016 წლის ოქტომბრის საპარლამენტო არჩევნებზე ერთმანეთს დაუპირისპირდებიან პროდასავლური და დასავლეთის მიმართ სკეპტიკურად განწყობილი პოლიტიკური ძალების.

ამის შესახებ პრეზიდენტმა ევროპარლამენტის საგარეო საქმეთა კომიტეტის სხდომაზე 6 ივნისს, საქართველო-ევროკავშირის ურთიერთობების საკითხზე სიტყვით გამოსვლისას განაცხადა.

პრეზიდენტის პრესსამსახურის მიერ გავრცელებული ინფორმაციით, შეხვედრა საგარეო საქმეთა კომიტეტის თავმჯდომარემ ელმარ ბროკმა გახსნა. კომიტეტის სხდომას ევროპარლამენტარები ესწრებოდნენ.

მისასალმებელ სიტყვაში საქართველოს პრეზიდენტმა ყურადღება გაამახვილა საქართველოს ევროპულ არჩევანზე, საქართველო- ევროკავშირის ურთიერთობებზე და საქართველოში დაგეგმილ საპარლამენტო არჩევნებზე. პრეზიდენტის გამოსვლის სიტყვას მისი პრესსამსახური ავრცელებს:

"ჩვენ ვიმყოფებით დინამიურ პროცესში. ამ პროცესში საქართველომ ნათლად აირჩია და გამოხატა მისი ევროპული და ევროატლანტიკური მისწრაფებები.

აქ ვიმყოფები ჩემ კოლეგებთან ერთად, - სამ ძირითად საპარლამენტო პოლიტიკურ ჯგუფთან.

ეს არის მმართველი კოალიცია ქართული ოცნება, ეს არის ოპოზიციური პარტია ნაციონალური მოძრაობა“ და ასევე ოპოზიციური პარტია თავისუფალი დემოკრატები.

ჩვენ ყველა შევთანხმდით საქართველოსთვის ევროპული და ევროატლანტიკური დღის წესრიგის მნიშვნელობაზე. ასევე მიგვაჩნია, რომ საქართველომ ნათელი და მტკიცე ნაბიჯები გადადგა ამ მიმართულებით.

ამ კონტექსტში, ჩვენ საკმაოდ აქტიურად ვმუშაობთ საქართველოსთვის ორი წლის წინ მიცემულ ინსტრუმენტებზე, კერძოდ, თავისუფალი ვაჭრობისა და ასოცირების შეთანხმებებზე.

ეს საკითხები, ხდება მნიშვნელოვანი პოლიტიკური სპექტრისთვის, როგორც შიდა პოლიტიკური განხილვებისას, ასევე რეფორმების თვალსაზრისით.

მთავრობამ წარმატებით წარმოადგინა ის რეფორმები, რომელიც უკავშირდება ამ ხელშეკრულებას".

პრეზიდენტის თქმის, საქართველოსთვის უმნიშვნელოვანესი გამოწვევაა ოქტომბრის არჩევნები, რომლის საარჩევნო კამპანია 4 თვით ადრე იწყება, რათა პროცესი პროგნოზირებადი იყოს:

"ვფიქრობ, რომ ეს, ამ არჩევნებზე ყველაზე სერიოზული გამოწვევაა. ასე რომ ამ ოთხი თვის მანძილზე, ჩვენ უნდა შევინარჩუნოთ ძალიან გამჭვირვალე, სამართლიანი და კონსტრუქციული საარჩევნო კამპანია.

მე იმედი მაქვს ჩვენი მეგობრების და პარტნიორების და სადამკვირვებლო მისიების, რომლებსაც მოუწოდებთ, რომ დეტალურად შეისწავლონ საარჩევნო პროცესი.

ასევე მინდა ხაზი გაუსვა, რომ ეს იქნება არჩევნები, სადაც კონკურენცია მოხდება პროდასავლურ პოლიტიკურ პარტიებსა და დასავლეთის მიმართ სკეპტიკურად განწყობილ პოლიტიკურ პარტიებს შორის.

ეს პროცესი წარიმართება ვარშავის სამიტის და ვიზალიბერალიზაციის პროცესის პარალელურად. რა თქმა უნდა, ამ საერთაშორისო პროცესების".

გიორგი მარგველაშვილმა ყველა იმ პარტნიორს გადაუხადა მადლობა, რომელმაც საქართველოსთან ერთად იზეიმა დამოუკიდებლობის აღდგენიდან 25 წელი. პრეზიდენტის თქმით, საქართველოს უმთავრეს მიზანს "თავისუფლების მოპოვება წარმოადგენს":

"თავისუფლება ნიშნავს, ემსახურო შენი საზოგადოებისა და შენი ხალხის საჭიროებებს.

მე მიმდინარე წელი ევროპული სახელმწიფოს წლად გამოვაცხადე, რადგან მჯერა, რომ საქართველოს თავისუფლება პოლიტიკურად გამოიხატება ევროპული სახელმწიფოსა და ევროპული პოლიტიკური ინსტიტუტების მშენებლობაში".

საქართველოს პრეზიდენტი სტრასბურგში დელეგაციასთან ერთად იმყოფება, რომლის შემადგენლობაშიც შედიან საქართველოს პრეზიდენტის ადმინისტრაციის უფროსი გიორგი აბაშიშვილი, ეროვნული უშიშროების საბჭოს მდივანი ირინე იმერლიშვილი, საგარეო ურთიერთობათა მდივანი თენგიზ ფხალაძე, პოლიტიკური მდივანი ფიქრია ჩიხრაძე, პარლამენტარები ვიქტორ დოლიძე, გიგი წერეთელი და სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში დავით ბაქრაძე.