ინფორმაციას რუსული სამთავრობო მედია, სატრანსპორტო ფედერალური სააგენტოს წყაროზე დაყრდნობით, ავრცელებს.

რატომ არის მნიშვნელოვანი: მას შემდეგ, რაც ოკუპანტი ქვეყნის პრეზიდენტის, ვლადიმერ პუტინის განკარგულებით, რუსეთთან პირდაპირი ფრენები აღდგა, საქართველოში ფრენის სურვილი არაერთმა კომპანიამ გამოთქვა.

  • მათ შორის არის სანქცირებული რუსული კომპანიებიც, მაგალითად, აზიმუტი, რომელსაც ვებგვერდზე საქართველოს ოკუპირებული ტერიტორიები ცალკე სახელმწიფოებად ჰქონდა მონიშნული, კრიტიკის შემდეგ კი ჩამონათვალიდან წაშალა.

დეტალები: TASS-ის წყაროს ინფორმაციით, საჰაერო ტრანსპორტის ფედერალურ სააგენტოში 19 მაისს გაიმართება სხდომა, რომელიც გადაწყვეტს, მიიღებს თუ არა რუსული ავიაკომპანია საქართველოში ფრენის უფლებას.

  • ირაერო უკრაინამ რუსეთის ხელისუფლებისთვის სტრატეგიულად მნიშვნელოვან სექტორში ოპერირებისთვის დაასანქცირა.
  • "უზრუნველყოფს მაღალ მატერიალურ (ტრანსპორტი, ლოჯისტიკა და სხვა) მხარდაჭერას იმ ქმედებებისთვის, რომლებიც ძირს უთხრის ან საფრთხეს უქმნის უკრაინის ტერიტორიულ მთლიანობას, სუვერენიტეტსა და დამოუკიდებლობას", — ვკითხულობთ სანქცირებული კომპანიების ვებგვერდზე.
  • კომპანია 1999 წელს დაარსდა და რუსეთის 20 უმსხვილესი ავიაკომპანიიდან ერთ-ერთია.
  • ის ასრულებს ფრენებს რუსეთის 70-ზე მეტ ქალაქში, ასევე, ახლო და შორეულ ქვეყნებში.