ლეგენდარული ბრაზილიელი ფეხბურთელის, პელეს, პატივსაცემად პორტუგალიური ენის ოფიციალურ ლექსიკონს ახალი სიტყვა დაემატა. ამიერიდან პორტუგალიურში სიტყვა "პელე" ზედსართავი სახელი იქნება, რომელიც "განუმეორებელს, შეუდარებელსა და გამონაკლისს" აღნიშნავს.

ლექსიკონში სიტყვა "პელეს" დამატება 125 ათასზე მეტმა ადამიანმა ხელმოწერით მოითხოვა. პელეს გარდაცვალების შემდეგ ლეგენდარული ფეხბურთელის გულშემატკივრებმა ვებგვერდი შექმნეს და ლექსიკონში მისი სახელის დამატება მოითხოვეს, რასაც მხარი უამრავმა ადამიანმა დაუჭირა.

ფოტო: Getty Images

ლეგენდარული ბრაზილიელი ფეხბურთელი პელე 82 წლის ასაკში გარდაიცვალა. ფეხბურთელი ნოემბერში საავადმყოფოში სასუნთქი გზების პრობლემებისა და მსხვილი ნაწლავის კიბოს თანმდევი გართულებების გამო გადაიყვანეს, დეკემბრის ბოლოს კი გარდაიცვალა.

პელემ 4 მსოფლიო ჩემპიონატში ითამაშა და ჯერჯერობით ისტორიაში ერთადერთია, რომელმაც სამჯერ მოიგო.