ამის შესახებ ინფორმაციას რუსული სამთავრობო, პროპაგანდისტული მედია ავრცელებს.

რატომ არის მნიშვნელოვანი: TASS-ის ცნობით, 10 სხვადასხვა ქვეყანაში მოქმედი რუსული თეატრები ოკუპანტი ქვეყნისგან ფინანსურ მხარდაჭერას მიიღებენ.

  • ამ სიაში მოხვდა ალექსანდრე გრიბოედოვის სახელობის რუსული დრამატული თეატრიც, რომელიც თბილისში მდებარეობს.
  • ფინანსურ დახმარებას თეატრები, ასევე, მიიღებენ ბელარუსში, ყაზახეთში, ყირგიზეთში, ტაჯიკეთში, თურქმენეთში, უზბეკეთში, სომხეთში, სამხრეთ ოსეთსა და ოკუპირებულ აფხაზეთში.

დეტალები: რუსეთის კულტურის მინისტრის მოადგილის, ალლა მალინოვას განცხადებით, უცხოეთში მდებარე რუსულ თეატრებს ფინანსურ დახმარებას ორი მიმართულებით გაუწევენ: უახლესი თეატრალური სასცენო დანადგარების შესაძენად და საპრემიერო დადგმების ხელშესაწყობად.

  • "5 მილიონი რუბლი — აღჭურვილობისთვის, 5 მილიონი რუბლი — დადგმებისთვის", — განმარტა მან.